.png)
♈ Aries Horoscope - Love, Money, Career and Health (Tagalog) | 21 March - 20 April
Ano ang purpose mo sa buhay?
Bilang Aries, likas kang lider. Ikaw yung tipo ng tao na laging gustong magsimula, magbigay inspirasyon, at kumilos. Para sa’yo, ang buhay ay parang isang adventure, laging may bagong layunin o pagsubok na gusto mong harapin. Ang purpose mo? Maging matapang at ipakita sa iba kung paano gumawa ng matitibay na desisyon at hakbang sa buhay.
Sino ang mga zodiac signs na bagay sa’yo?
Pinakabagay ka sa mga kapwa fire signs tulad ng Leo at Sagittarius dahil pareho kayong masigla, may tapang, at puno ng passion. Maganda rin ang samahan mo sa Gemini at Aquarius dahil kaya nilang sabayan ang energy mo at makisabay sa mga gusto mong gawin. Pero kung gusto mo ng balanseng relasyon, bagay sa’yo si Libra, yung taong marunong makipagkasundo at mag adjust kapag may hindi pagkakaintindihan.
Saang career ka nababagay?
Mas nababagay ka sa mga trabaho o larangan na may leadership, aksyon, at konting kompetisyon. Pwede kang maging negosyante, atleta, opisyal sa militar, tagapagsalita, o kahit anong trabaho na may hamon at kailangan ng matibay na loob. Basta hindi paulit ulit o nakakasawa, doon ka nagiging pinaka masaya.
Ano ang madalas mong pagsubok sa buhay?
Minsan sobrang bilis mo magdesisyon dahil gusto mong agad kumilos. Dahil dito, may mga pagkakataon na hindi mo napag iisipan ng mabuti ang resulta. Mabilis ka ring mapagod kapag sobra mong pinupush ang sarili mo. Ang paalala, huminga muna bago kumilos, at matutong magpahinga para makabawi ng lakas.
Ano ang dapat mong bantayan sa kalusugan?
Ang parte ng katawan na madalas naaapektuhan sa’yo ay ulo, kaya ingatan mo ang migraines, sakit ng ulo, o kahit simpleng hilo. Iwasan din ang sobrang pagod at stress. Hindi kailangang gawin lahat sabay sabay. Maglaan ng oras para sa pahinga, maglakad, mag ehersisyo, o mag relax para maging maayos ang isip at katawan mo.
♉ TAURUS
♊ GEMINI
♋ CANCER
♌ LEO
♍ VIRGO
♎ LIBRA
♏ SCORPIO
♐ SAGITTARIUS
♑ CAPRICORN
♒ AQUARIUS
♓ PISCES
