Mga Dapat I-expect sa Isang Tarot Reading
Sobrang dami na ng Tarot readers ngayon. Madalas sinusubukan mo muna ang iba-ibang reader bago mo makita kung sino talaga ang swak sa vibe mo. Pero kung hanggang ngayon ay parang wala ka pa ring makita na tamang reader para sa’yo, heto ang ilang signs na makakatulong para malaman kung worth it ba ‘yung reading mo.
1. Cold Reading
Ang cold reading ay kapag binabase ng ang readings niya sa mga sagot mo habang nagtatanong siya. Pero ang tunay na may kakayahan, alam ang basic rule. Magbasa muna bago tanungin o hayaang magkwento ang client. Ganito naiiwasan ang bias at hula-hula lang na result.
2. Magulo o Malabong Reading
Kapag may sinabi siya na parang hindi nagtutugma, huwag kang mahiyang itanong o linawin. Kung maging defensive siya o iinit ang ulo niya, nasa sa'yo na 'yan kung tatapusin mo pa rin ang session. Normal naman minsan na may sablay sa message lalo na kung pagod na ang reader. Pero kung totoong may malasakit siya, aaminin niya ito, magso-sorry, at itatama ang reading.
3. Pananakot
Ang ethical na Tarot reader ay hindi nananakot para lang mapilit kang bumili ng charms o magpagawa ng ritual. Kung ma-experience mo ito, pwede mong sabihin na babalikan mo siya dahil tight ang budget mo kahit hindi naman totoo. Kapag naging makulit o nangha-harass na siya, pwede mong idaan sa legal para maturuan siya ng leksyon.
4. Paninisi
Totoo na may ambag tayo sa mga nangyayari sa buhay natin, pero hindi tama kung ipapamukha sa’yo ng reader na lahat ay kasalanan mo. Ang goal ng reading ay bigyan ka ng peace of mind, hindi ng guilt. Ayos lang kung may constructive feedback siya basta maayos ang tono at may kasamang guidance kung paano mo ito mahaharap. Dapat nandun pa rin ang empathy at respeto.
5. Problema lang, walang solusyon
Minsan nakakabilib kasi natumbok niya agad ang issue. Pero tanungin mo rin ang sarili mo. May binanggit ba siyang solusyon? Ang reading ay dapat nakaka-uplift kahit mabigat ang usapan. Kung matapos ang session na magulo pa rin ang isip mo, baka hindi siya ang Tarot reader para sa’yo.
6. Mas maraming mali kaysa tama
Walang perfect na Tarot reader. Minsan mahina ang connection o pagod sila kaya hindi nagiging maayos ang reading. Ang mga totoong practitioner ay marunong tumanggi kapag hindi sila okay. Pero kung after lang siya sa bayad, tatanggap siya ng reading kahit hindi siya spiritually or physically ready. Kapag naranasan mo ito, okay lang magbigay ng honest feedback. Kung mamasamain niya, baka sign na iyon na kailangan mong humanap ng ibang reader.
BASAHIN: Tarot Reading: Totoong Gabay o Basta Hula Lang?
