Totoo ba ang Gayuma?
Hanggang ngayon, marami pa rin sa atin ang naniniwala sa gayuma sa pag-ibig. Hindi mo na lang ito makikita sa Quiapo, kasi pati online, meron na rin. Pero ang tanong ng karamihan, totoo ba talaga ito? Balikan natin kung saan ito nagsimula at paano ito ginagamit ng mga ninuno natin.
Ang Kasaysayan ng Gayuma sa Kulturang Pilipino
Noong panahon ng mga ninuno natin, naniniwala sila na may espiritwal na enerhiya ang lahat ng bagay. Kaya hindi na nakakapagtaka kung naging bahagi ng buhay nila ang paggamit ng gayuma, lalo na pagdating sa usaping pag-ibig.
Isa sa mga kilalang halimbawa ay ang Jumaya, isang love potion mula sa Visayas na ginagamit ng mga babae para maakit ang taong gusto nila. Mayroon ding panlaban dito na tinatawag na buringot.
Mayroon ding lumay, isang uri ng insenso na ipinapausok sa damit ng taong gusto mong gayumahin. Sinasabing ito ay madalas ibenta noon ng mga Negrito.
Sa pagiging malikhain ng ating mga ninuno, nagkaroon ng iba’t ibang anyo ang gayuma. May mga inihahalo sa pagkain o inumin at meron ding mga anting-anting. Hanggang ngayon, makikita pa rin ito sa Quiapo at pati na rin sa online shops.
Mga Kwento mula sa Iba’t Ibang Lugar
Sa Pangasinan, may isang kwento tungkol sa isang agimat na galing daw sa puso ng saging na nahuhulog tuwing hatinggabi. Pero hindi ito basta-basta nakukuha dahil may mga espiritung nagbabantay. Kapag nakuha mo raw ito, magkakaroon ka ng matinding karisma.
Sa Surigao del Norte naman, may tradisyon ng paggawa ng love potion gamit ang halamang gamot tulad ng dahon ng Dischidia at buto ng Pandan. May pag-aaral pa ngang ginawa tungkol dito. Ibig sabihin, hindi lang sa Siquijor makikita ang ganitong kaalaman kundi pati sa ibang bahagi ng Pilipinas.
Umeepekto ba Talaga?
Kung malakas ang paniniwala mo at tama ang pagkakagawa, posible itong gumana. Pero hindi sapat ang puro paniniwala lang. Kailangan din ang tamang proseso at mga materyales. Halimbawa, kung gagamit ka ng bawang, baka literal na bumaho ka sa paningin ng taong gusto mo. Kaya dapat mag-ingat sa mga gayuma na basta mo lang nakita online, lalo na sa YouTube o TikTok. Marami diyan ang ginagawa lang para sa views at wala naming talagang katotohanan.
Paalala Bago Gumamit ng Gayuma
Walang masama sa gayuma kung ang layunin mo ay maayos ang relasyon o pamilya. Nakakatulong ito kapag malinis ang intensyon at maayos ang pagkakagawa. Pero mas maganda kung manggagaling ito sa taong may karanasan at may kakayahang magbasa ng sitwasyon mo bago gumawa ng anumang ritwal. Sa ganitong paraan, hindi masasayang ang pera mo at makakaiwas ka sa hindi kanais-nais na epekto.
BASAHIN: Bago Ka Magpagawa ng Gayuma, Alamin Mo Muna 'To
Online Consultation Form
Gusto mo bang mahalin ka rin ng taong gusto mo? O gusto mong magkabalikan kayo ng ex mo? Pwede nating pag-usapan 'yan. Punan mo lang ang form sa ibaba para malaman natin kung nababagay ba ang gayuma sa sitwasyon mo. Libre ang consultation at confidential ang lahat ng impormasyon na ibabahagi mo.
