Patungkol kay Babaylan Tata Adlaw
Nagsimula ang spiritual journey ko noong pitong taong gulang pa lang ako, nang magkaroon ako ng unang vision. Isang madaling araw, habang nasa biyahe kami pabalik ng Maynila mula Bicol, bigla kong naramdaman na mababangga ang sinasakyan naming bus. Sinabi ko ito sa nanay ko, at makalipas ang ilang sandali, nangyari nga ito. Mula noon, nag-isip na ako kung may kakaiba ba akong abilidad.
Nangyari ulit ang ganitong karanasan noong high school ako. Isang beses, pauwi kami ng kapatid ko mula Quezon City papuntang Cavite, at nagkaroon ako ng vision na tatama ang ulo ko sa windshield ng jeep. Hindi ko pinakinggan ang vision na iyon, sumakay pa rin ako sa harap, at nangyari nga ito. Doon talaga nagsimula ang interes ko sa aking kakayahan.
Habang tumatagal, nag-umpisa akong mag-collect ng mga newspaper clippings tungkol sa occult knowledge, at gumawa ako ng scrapbook. Noong high school, nagsimulang dumating ang mga oportunidad para mas matuto ako tungkol sa aking mga kakayahan. May mga nagbigay sa akin ng oracle cards at spell books, at unti-unti kong na-realize na ito ang dapat kong i-explore.
Lumaki akong exposed na sa mga healing rituals ng lola ko, at kahit may mga pagsubok at mga paniniwala sa paligid, naging motivation ko ang makatulong sa pamilya ko. Naging daan ang mga kakayahang ito para malaman ko kung ano ang dapat kong tahaking landas at kung paano ko mas susuportahan ang pamilya ko.
Sa ngayon, ipinagpapatuloy ko pa rin ang aking paglalakbay, habang nag-aaral ng Bachelor of Science in Pharmacy. Patuloy pa rin ang aking healing sessions, tarot readings, at pagtuturo sa mga estudyante ko ng ethical na paggamit ng kanilang mga spiritual gifts. Masarap sa pakiramdam na maging gabay sa iba, matulungan silang mahanap ang kanilang purpose at happiness, at maging instrumento ng kanilang healing at pag-unlad.
Follow Me on my Social Media Channels
