Virgo Horoscope 2026 (Tagalog)

Paalala: Ito ay general prediction lang base sa galaw ng mga planeta ngayong 2026. Pwede kang makarelate, pwede ring hindi, kasi iba-iba pa rin ang epekto nito depende sa personal birth chart mo. Mas magiging accurate ang reading kung naka-base ito sa solar return chart gamit ang araw, oras, at lugar ng kapanganakan mo. Kung gusto mo ng personal na gabay para sa buong taon, paki-click na lang ng button sa ibaba.

RESERVE A SLOT

RELATIONSHIPS

Nasa Libra sa 4th house ang Venus, kaya mas focus ka this year sa bahay at pamilya.

Kung may partner ka, pwedeng mapag-usapan ninyo ang living setup, family responsibilities, o future plans. Pero dahil sa Venus-Saturn opposition, may mga pagkakataong mararamdaman mong ikaw lang yung laging nag-aadjust. Sabihin mo nang mahinahon ang saloobin mo.

Kung single ka, mas maa-attract ka sa emotionally mature at may direksyon sa buhay. Pero dahil sa Venus–Saturn opposition, pwedeng mas piliin mong maging single muna, at okay lang yun. Pumasok ka sa relasyon kapag ready ka na talaga.

CAREER / STUDIES

Nasa 2nd house ang Sun, Mercury, at Jupiter, kaya mas focused ka sa mga bagay na may long-term value. Pwedeng stable na trabaho 'to, skills na magagamit mo sa future, at mas maayos na source of income. Maganda yung naka-trine na Jupiter sa Saturn kasi pwede kang makabuo ng matibay na foundation sa career mo. Hindi mo man agad makita ang resulta, may progress basta consistent ka.

Kung nagtatrabaho ka, pwedeng madagdagan ang responsibilities mo. Magandang training yan for you. Basta consistent ka at maaasahan sa output at deadlines, may reward na nahihintay sa'yo.

Kung estudyante ka, magandang taon ito para mag-focus sa practical skills o subjects na magagamit mo talaga kapag nagtatrabaho ka na. Mas gaganahan ka sa pag-aaral kapag nakikita mong may point at may future use yung pinag-aaralan mo.

FINANCES

May chance na tumaas yung income mo this year, pero kailangan mo ring maging ready sa surprises. Dahil naka-square ang Sun sa Uranus, pwedeng may biglaang gastos o biglaang pagbabago sa mga plano.

Naka-square ang Mars sa Neptune, so iwasan mo muna yung gastos na dala lang ng bugso ng damdamin. Bago ka mag-checkout, huminto ka muna at tanungin ang sarili mo kung kailangan mo ba talaga yan.

HEALTH

Nasa 1st house ang Mars, kaya magiging sobrang active ka this year. Pero dahil nasa Cancer ito, magiging iritable ka kung pagod ka, kaya hinay-hinay lang.

Dahil naka-square ang Mars sa Saturn at Neptune, pwedeng mabilis mauwi sa pananakit ng tiyan at dibdib ang stress. Naka-square din ang Moon sa Neptune, kaya mapapadalas ang sobrang pag-iisip. Mababalanse naman ito ng Moon trine Sun sa 6th house, kaya mabilis kang makakabawi basta may sapat kang pahinga at marunong kang umiwas sa mga bagay na nagpapabigat lang ng loob mo.