Aries Horoscope 2026 (Tagalog)

Paalala: Ito ay general prediction lang base sa galaw ng mga planeta ngayong 2026. Pwede kang makarelate, pwede ring hindi, kasi iba-iba pa rin ang epekto nito depende sa personal birth chart mo. Mas magiging accurate ang reading kung naka-base ito sa solar return chart gamit ang araw, oras, at lugar ng kapanganakan mo. Kung gusto mo ng personal na gabay para sa buong taon, paki-click na lang ng button sa ibaba.

RESERVE A SLOT

RELATIONSHIPS

Ngayong 2026, activated ang 8th at 9th house mo. Kung may partner ka, may mga bagay kayong kailangang pag-usapan. Pwedeng tungkol ito sa commitment, shared responsibilities, o tiwala. Kapag solid ang foundation ng relasyon niyo at pareho kayong willing mag-effort, malaki ang chance na mas tumibay ang connection niyo. Pero kung patuloy niyong iniiwasan ang mga isyu, pwedeng lumamig ang samahan at mahirapan na kayong ibalik sa dating sigla ang relasyon ninyo.

Kung single ka naman, may posibilidad na makakilala ka ng potential partner sa mga setting na may kinalaman sa travel, pag-aaral, o online interactions. Huwag magmamadali. Mas okay na dumaan muna sa getting-to-know phase bago mag-commit.

Naka-conjunct ang Moon at Venus sa 9th house mo, kaya madalas kang ma-attract sa mga taong mabait, malalim mag-isip, at kapareho mo ng paniniwala sa buhay. Pero dahil naka-square si Venus kay Jupiter, pwedeng masyado kang maging idealistic kaya hindi mo mapansin ang mga red flag.

CAREER / STUDIES

Dahil nasa career house mo ang Taurus at Uranus, posibleng may mga hindi inaasahang pangyayari sa career o pag-aaral this year.

Kung may stable job ka na, posible ang biglaang pagbabago, gaya ng bagong boss, bagong sistema, o dagdag na responsibilities. Kung mabilis kang mag-adjust at handa sa mga bagong matututunan, pwedeng maging daan ito sa mas magagandang oportunidad.

Kung naghahanap ka pa lang ng trabaho, posible kang mapunta sa larangan na may kinalaman sa creative work, online setup, technology, o spiritual field. Maaaring hindi ito ang direksyong inaasahan mo, pero kung magugustuhan mo naman ito, mas magiging stable ang takbo ng career mo.

Kung estudyante ka, pwedeng maging emotionally exhausting ang 2026 for you. Pero huwag kang mag-alala dahil mas madali mong ma-express ang ideas mo this year at mas gaganda ang resulta ng projects mo.

FINANCES

Dahil maraming planets sa 8th house, maaaring may dumating na hindi inaasahang financial assistance. Pero kasabay rin nito, pwedeng may responsibilidad na kailangan mong saluhin para sa iba. Mahalaga ang malinaw na financial boundaries. Alamin mo kung hanggang saan lang ang kaya mong ibigay.

Kung may utang o kailangang bayaran, magandang pagkakataon ito para magsimula ng simpleng payment plan. Kahit maliit, basta tuloy-tuloy ang pagbabayad, matatapos mo rin ’yan.

Dahil naka-trine si Mars kay Jupiter, magandang ring mag-invest. Mas magiging secure ang future mo, kung hindi ka nagiging padalos-dalos sa mga desisyon.

HEALTH

Nasa 12th house si Jupiter at nasa 8th naman si Neptune, kaya mas madali kang makaramdam ng pagod ngayong taon. Huwag kalimutang magpahinga at umiwas sa mga taong mahilig sa drama.

Naka-conjunct ang Sun at Neptune sa 8th house. May tendency kang kimkimin ang problema, at pwede nitong maapektuhan ang health mo. Mas okay kung may healthy outlet ka, tulad ng journaling, meditation, prayer, o simpleng paglalakad sa tahimik na lugar.