Sagittarius Horoscope 2026 (Tagalog)

Paalala: Ito ay general prediction lang base sa galaw ng mga planeta ngayong 2026. Pwede kang makarelate, pwede ring hindi, kasi iba-iba pa rin ang epekto nito depende sa personal birth chart mo. Mas magiging accurate ang reading kung naka-base ito sa solar return chart gamit ang araw, oras, at lugar ng kapanganakan mo. Kung gusto mo ng personal na gabay para sa buong taon, paki-click na lang ng button sa ibaba.

RESERVE A SLOT

RELATIONSHIPS

Dahil sa Moon-Venus opposition, posibleng madali kang maapektuhan kahit ng maliliit na problema. Iwasan mo ito para maging stress-free ang taong ito sa'yo.

Kung may partner ka na, may mga pagkakataon na hindi kayo magkaintindihan. Pero dahil naka-trine ang Moon sa Jupiter at Mars, maaayos din naman ito basta huwag mo lang patagalin.

Kung single ka, posibleng may makilala ka at mabilis itong mauuwi sa relasyon. Hinay-hinay lang dahil kapag sobrang bilis ng simula, pwedeng sobrang bilis din ng ending.

CAREER / STUDIES

Dahil naka-square ang Sun sa Mars at sa Jupiter, pwedeng makaramdam ka ng pressure sa career o pag-aaral this year. Mabilis ka ring mainis kapag hindi agad nangyayari ang gusto mo. Para maiwasan ang stress, ayusin mo ang schedule mo at maging realistic ka sa expectations mo.

Kung nagtatrabaho ka, pwedeng hindi agad mapansin ang effort mo. Huwag kang panghinaan ng loob. Basta consistent ka, dedicated, at maaasahan sa output, may reward na naghihintay sa'yo.

Kung nag-aaral ka, pwedeng magpatong-patong ang mga gawain mo dahil mawawalan ka ng gana. Para bumalik ang momentum, isipin mo na may magandang balik ang pagtitiyaga mo sa hinaharap.

FINANCES

Dahil naka-sextile ang Venus sa Jupiter, posibleng may dumating na financial opportunities this year. Pero dahil naka-square ang Sun sa Jupiter, pwede kang mapagastos sa mga bagay na hindi mo naman talaga kailangan o makagawa ng desisyon na pagsisisihan mo sa huli. Kung may offer na mukhang promising, pag-isipan mo muna, lalo na kung parang too good to be true.

Kung naghahanap ka ng extra income, magandang taon ito para sa’yo. Gamitin mo ang skills mo para kumita. Hindi man ganun kalaki ang income, pwede naman itong magtuloy-tuloy.

HEALTH

Masyado kang magiging busy this year dahil naka-conjunct ang Mars sa Jupiter. Dahil naka-square ang Sun sa Mars, pwedeng mauwi ito sa burnout o minor accident kung hindi ka mag-iingat.

Kung magkukulang ka sa pahinga this year, mabilis ka namang makakabawi dahil naka-trine ang Moon sa Jupiter at Mars. Pero hindi ibig sabihin nito na aabusuhin mo na ang katawan mo.

Kung may matagal ka nang iniindang sakit, huwag mo nang hintaying lumala bago ka magpa-check up sa doktor.