Capricorn Horoscope 2026 (Tagalog)

Paalala: Ito ay general prediction lang base sa galaw ng mga planeta ngayong 2026. Pwede kang makarelate, pwede ring hindi, kasi iba-iba pa rin ang epekto nito depende sa personal birth chart mo. Mas magiging accurate ang reading kung naka-base ito sa solar return chart gamit ang araw, oras, at lugar ng kapanganakan mo. Kung gusto mo ng personal na gabay para sa buong taon, paki-click na lang ng button sa ibaba.

RESERVE A SLOT

RELATIONSHIP

Naka-square ang Sun sa Neptune at Saturn, kaya medyo malabo ang expectations mo sa relationship this 2026. Pwedeng mag-expect ka nang sobra, o kaya naman hindi mo alam kung ano talaga ang gusto mo.

Kung may karelasyon ka, posible kang makaramdam ng pagod, lalo na kung ikaw na lang palagi ang nag-a-adjust. Mas okay kung pag-usapan na ninyo ang problema kaysa sa lagi kang nagsasawalang kibo.

Naka-conjunct ang Moon sa Uranus. Kung single ka, pwedeng may dumating na love interest na hindi mo inaasahan. Huwag kang sumugal, lalo na kung hindi ka pa sigurado.

CAREER / STUDIES

Naka-trine ang Sun sa Mars at Jupiter. Kahit busy ka this year, may sapat kang lakas at motivation para tapusin ang mga gawain mo. Pero dahil may square sa Saturn, pwedeng ma-delay ang results.

Kung nagtatrabaho ka, pwedeng hindi agad mapansin ang effort mo. Huwag kang panghinaan ng loob. Gawin mo lang ang part mo, kasi may magandang kapalit din yan sa huli.

Kung nag-aaral ka, kailangan mo ng time management. Sa dami ng kailangang aralin o tapusin, unahin mo muna ang urgent tasks at huwag kalimutang magpahinga.

FINANCES

Dahil naka-trine ang Mercury sa Jupiter, pwede kang makaisip ng bagong paraan para kumita o mag-invest. Pero dahil naka-square ang Moon sa Jupiter, ingat lang sa mga padalos-dalos sa gastos this year.

Kung may pinagkakakitaan ka na, okay naman ang daloy ng pera. Iwasan lang ang gastos para lang makasabay sa uso. Mas mabuti kung uunahin mo muna ang savings bago ang luho.

Kung wala ka pang stable na income, magandang taon ito para humanap ng sideline. Hindi kailangang malaki agad ang kita. Kahit paunti-unti, basta tuloy-tuloy, makakaahon ka rin.