Scorpio Horoscope 2026 (Tagalog)

Paalala: Ito ay general prediction lang base sa galaw ng mga planeta ngayong 2026. Pwede kang makarelate, pwede ring hindi, kasi iba-iba pa rin ang epekto nito depende sa personal birth chart mo. Mas magiging accurate ang reading kung naka-base ito sa solar return chart gamit ang araw, oras, at lugar ng kapanganakan mo. Kung gusto mo ng personal na gabay para sa buong taon, paki-click na lang ng button sa ibaba.

RESERVE A SLOT

RELATIONSHIPS

Dahil naka-conjunct ang Venus sa Sun at naka-square ito sa Pluto, mas madali kang maaapektuhan ng mga bagay na normally pinapalampas mo lang.

Kung may karelasyon ka, posibleng marami kayong maging tampuhan at selosan. Okay lang maging honest para masabi ang hinanaing mo, pero siguraduhin mong mahinahon ang pagkakasabi at maayos ang tono.

Kung single ka, pwedeng may makilala ka na makagaanan mo agad ng loob, pero mahihirapan kang pagkatiwalaan 'to.

CAREER / STUDIES

May pressure sa area na ito dahil naka-square ang Mercury sa Mars. Pero dahil naka-trine ang Mars sa Saturn, malalampasan mo naman ang mga pagsubok. Maging wise sa paggamit ng oras at energy mo para maging productive ka this year.

Kung nagtatrabaho ka, may mga tao kang makakasalamuha na hindi mo talaga feel. Makisama ka lang at huwag kang papadala sa inis kapag may ginagawa silang hindi maganda.

Kung estudyante ka, mahihirapan kang mag-focus this year. Huwag mong pagsabay-sabayin lahat ng school works mo. Iwasan mo muna ang sobrang screen time at ibang distractions para makapagpahinga ka. Mahirap talagang mag-focus kapag pagod at stressed ka.

FINANCES

Dahil naka-square ang Mercury sa Jupiter, okay naman ang pasok ng pera, pero kailangan na practical ka rin. Iwas muna sa gastos na hindi naman talaga kailangan. Kung may sobra, mas okay kung ilagay mo muna sa ipon o sa maliit na investment.

Kung wala ka pang stable na income, magandang taon ito para mag-isip ng mga pwedeng pagkakitaan. Kahit maliit basta tuloy-tuloy ang pasok ng income at maingat ka sa paggastos, makakaluwag-luwag ka rin.

HEALTH

Dahil naka-trine ang Mars sa Saturn, magandang taon ito para magsimula ng healthy lifestyle.

Dahil naka-square ang Mercury sa Mars, kailangan mong mag-ingat kasi pwedeng tumaas ang stress level mo this year. Kapag hinayaan mo ito, madali itong mag-manifest sa katawan mo. Kung may matagal ka nang iniindang sakit, panahon na rin para magpa-check up. Iwasan ang pagse-self medicate.