Libra Horoscope 2026 (Tagalog)

Paalala: Ito ay general prediction lang base sa galaw ng mga planeta ngayong 2026. Pwede kang makarelate, pwede ring hindi, kasi iba-iba pa rin ang epekto nito depende sa personal birth chart mo. Mas magiging accurate ang reading kung naka-base ito sa solar return chart gamit ang araw, oras, at lugar ng kapanganakan mo. Kung gusto mo ng personal na gabay para sa buong taon, paki-click na lang ng button sa ibaba.

RESERVE A SLOT

RELATIONSHIPS

Dahil nasa 8th house ang Moon, Pluto, at North Node mo, mas magiging seryoso ka pagdating sa relationships this year. Hindi ka na yung tipong nagse-settle sa “pwede na”. Mas hahanapin mo na yung relasyon na may patutunguhan.

Kung may karelasyon ka, pwedeng mapag-usapan na ninyo ang mga problemang matagal ninyo nang iniiwasan. Pero dahil naka-trine ang Moon sa Mercury sa 4th house, mas madaling mapag-uusapan nang maayos ang mga issues na may kinalaman sa bahay at pamilya.

Kung single ka, pwedeng may makilala ka. Hindi siya exciting sa simula, pero habang tumatagal, mapapansin mong magaan siyang kausap at okay siyang kasama. Pero posibleng hindi din ito mauwi sa relasyon dahil maaaring takot ka pa sa commitment.

CAREER / STUDIES

Nasa 10th house mo ang Saturn at Chiron, tapos nasa 1st house ang Mars, kaya malakas yung drive mo to grow, pero may mga araw na tatamaan ka ng self-doubt.

Kung may trabaho ka, possible ang promotion o dagdag responsibilities. Kung estudyante ka naman, magiging motivated ka.

Basta consistent ka, makikita mo rin ang resulta ng pinaghihirapan mo. Mag-focus ka lang sa sarili mo at huwag mong i-compare ang journey mo sa iba.

FINANCES

Nasa 2nd house ang Jupiter, kaya asahan ang financial growth. May papasok na extra income, lalo na kung gagamitin mo yung skills mo o simpleng ideas na pwedeng pagkakitaan.

Dahil sa Moon-Jupiter opposition sa 8th house, pwedeng maapektuhan ng emotions mo ang paggastos mo. Pero babalansehin naman ito ng Mercury sextile Jupiter. Mas pipiliin mo kasing ilaan ang extra income sa savings, investments, o sa mga bagay na talagang kailangan mo.

HEALTH

Ipinapakita ng Mars sa 1st house na magiging busy at active ka this year. Dahil naka-trine ang Mars sa Neptune, malaking tulong ang calming routines tulad ng stretching, yoga, o paglalakad sa tahimik na lugar para makapag-recharge ka.

Paalala lang, dahil sa Mars-Pluto opposition, pwedeng maapektuhan ang katawan mo ng emotions mo. Kapag nararamdaman mong sobrang bigat na, magpahinga ka muna.