Leo Horoscope 2026 (Tagalog)

Paalala: Ito ay general prediction lang base sa galaw ng mga planeta ngayong 2026. Pwede kang makarelate, pwede ring hindi, kasi iba-iba pa rin ang epekto nito depende sa personal birth chart mo. Mas magiging accurate ang reading kung naka-base ito sa solar return chart gamit ang araw, oras, at lugar ng kapanganakan mo. Kung gusto mo ng personal na gabay para sa buong taon, paki-click na lang ng button sa ibaba.

RESERVE A SLOT

RELATIONSHIPS

Dahil naka-square ang Venus sa Mars sa 4th house, madali kang mairita kahit sa simpleng issue, lalo na kung may kinalaman sa pamilya o bahay. Sikapin mo na laging maging kalmado para wala kang makasamaan ng loob.

Kung may partner ka, may mga seryosong usapan tungkol sa roles, responsibilities, at boundaries. Maganda 'to kasi pwedeng mas tumibay pa ang relasyon ninyo. Maingat ka lang sa mga salitang bibitawan at sa tono ng pananalita.

Kung single ka, posibleng may makilala kang taong maalaga, reliable, at organized. At dahil naka-sextile ang Moon sa Venus, walang magiging problema kung magiging honest at open ka sa nararamdaman mo sa kaniya.

CAREER / STUDIES

Nasa 6th house ang Sun, Mercury, at Jupiter. Ibig sabihin, mas magiging busy ka sa work or school. Posible ding tumaas yung expectations sa’yo, kaya kailangan mong maging mas organized.

Maganda yung naka-conjunct na Jupiter sa Sun sa 6th house. Strong sign ito for growth. May opportunity para sa better position, mas maraming clients, o bagong skills. Pero dahil sa Sun-Pluto opposition sa 12th house, pwedeng lumabas ang old issues o habits na makasagabal sa progress mo. Iwasan mo ang self-sabotage.

Kung estudyante ka, pabor ang taon na ito sa academic growth basta may maayos kang schedule at sapat na pahinga. Mas okay kung isa-isa mong tatapusin ang tasks mo para maganda yung maging resulta.

FINANCES

Dahil nasa 4th house ang Mars at nasa 7th ang Venus, posible ang gastos na may kinalaman sa bahay o pamilya. Pwede namang may pumasok na extra income dahil sa Jupiter na nasa 6th house. Pero darating lang ito kung masipag ka o may side hustle ka.

Mag-ingat sa utang, ikaw man yung uutang o ikaw yung magpapautang. Dahil nasa 12th house ang Pluto at naka-opposite ito sa Sun at Jupiter, pwedeng magkaroon ng issue kung hindi malinaw ang usapan. Bago ka pumayag, linawin mo lahat ng detalye. Mas maganda din kung may kasulatan. Kung hindi ka komportable sa setup, tumanggi ka para iwas problema.

HEALTH

Dahil active ang 6th house, mas magiging busy this year. Pero makakabawi naman ang katawan mo sa pagod dahil naka-trine ang Jupiter sa Neptune.

Magandang taon ito para magsimula ng healthy lifestyle. Since naka-sextile ang Mars sa Saturn, mas magiging madali sa iyong i-maintain ito.

Dahil nasa Scorpio ang Moon sa 9th house, malaki ang epekto ng emotions mo sa mental at physical health mo. So siguraduhin mong may outlet ka. Pwedeng journaling 'yan, prayer, meditation, o pag-iisa para makapag-de-stress ka.