Aquarius Horoscope 2026 (Tagalog)

Paalala: Ito ay general prediction lang base sa galaw ng mga planeta ngayong 2026. Pwede kang makarelate, pwede ring hindi, kasi iba-iba pa rin ang epekto nito depende sa personal birth chart mo. Mas magiging accurate ang reading kung naka-base ito sa solar return chart gamit ang araw, oras, at lugar ng kapanganakan mo. Kung gusto mo ng personal na gabay para sa buong taon, paki-click na lang ng button sa ibaba.

RESERVE A SLOT

RELATIONSHIPS

Nasa 3rd house ang mga personal planets mo, kaya malaki ang magiging epekto ng paraan mo ng pakikipag-usap sa relationships mo.

Kung may karelasyon ka, may mga seryosong pag-uusap na pwedeng makaapekto sa takbo ng relasyon ninyo, either for the better or for the worse. Pero dahil nandiyan si Venus at Moon, malaki ang chance na magkaayos kayo kung pareho kayong makikinig at mag-a-adjust.

Kung single ka, posible kang makakilala ng taong ka-wavelength mo. Pwedeng magsimula yan online or dahil sa common interest. Pero bago ka magtiwala, kilalanin mo muna siya nang mabuti para maiwasan ang pagsisisi sa huli.

Ngayong taon, mas magiging open ka sa nararamdaman mo. Ingat lang sa pagiging masyadong prangka. Hindi kasi lahat ng tao sanay sa ganyan. Ayusin mo lang ang tono, piliin ang mga salitang bibitawan mo, at humanap din ng tamang timing.

CAREER / STUDIES

Dahil sa Mars-Pluto conjunction sa 3rd house, ganado kang magtrabaho this year. Paalala lang, huwag mong masyadong i-push ang sarili mo hanggang sa mapagod ka nang sobra at magkasakit.

Maganda ang taon na ito para i-level up ang communication skills mo. Kung may gusto kang simulan na side hustle, okay din ang timing, lalo na kung may kinalaman ito sa writing, teaching, tech, podcasting, o media.

Kung estudyante ka, maganda ang taon na ito para sa academic growth. Pero pwede ka ring maubos dahil sa dami ng kailangang gawin. Iwasan muna ang multitasking at bawasan ang extracurricular activities.

FINANCES

May Jupiter sa 8th house mo, kaya posibleng may dumating na hindi inaasahang pera. Pero dahil naka-retrograde si Jupiter, may chance na ma-delay ito o may mga kailangan ka munang gawin bago mo ito makuha.

Ingat lang sa pagiging masyadong mapagbigay. Ayos lang naman tumulong, pero hindi mo naman kailangang sagipin lahat ng may problema sa pera.

Kung may utang ka, magandang taon ito para simulan mo nang bayaran ito kahit paunti-unti. Kung may hinihintay kang financial assistance o settlement, may chance na umusad ito basta hindi ka titigil sa pag-follow up.

HEALTH

Dahil nasa dulo ng 6th house ang Uranus, pwede kang magkaroon ng health problem. Maiiwasan mo naman ito kung hindi mo aabusuhin ang katawan mo at iiwasan mo rin ang sobrang pag-iisip.

Dominant ang 3rd house mo ngayong taon, kaya posible ring mabilis kang ma-drain mentally. Siguraduhin na lagi kang may sapat na tulog at umiiwas ka din sa sobrang screen time.

Dahil nasa 5th house mo ang Saturn at Neptune, may tendency ka na magkunwaring okay kahit hindi naman. Kung may mga tao kang pinagkakatiwalaan, huwag kang magdalawang isip na mag-open up sa kanila. Huwag mong solohin ang bigat.