Mga Madalas Itanong Tungkol sa Tarot Reading
Makikita ba sa Tarot ang Hinaharap?
Oo, pwedeng ipakita ng Tarot ang mga posibleng mangyari sa future, pero hindi ito nagbibigay ng eksaktong sagot. Ang nakikita lang sa reading ay possibilities base sa current situation at energy ng nagpapabasa.
Halimbawa, kung ang tanong ay “Babalik ba ang ex ko?” tapos lumabas ang The Lovers, hindi ibig sabihin nito na “Oo, magbabalikan kayo.” Ang pinapakita nito ay may importanteng decision na kailangang gawin, dahil ang The Lovers ay tungkol sa choices at hindi lang tungkol sa relasyon.
So ang tunay na mensahe ng baraha ay baka kailangan mong tanungin ang sarili mo: "Worth it pa bang maghintay, o panahon na para mag-move on?" Minsan paalala rin ito na hindi natin hawak ang desisyon ng ibang tao, gaya ng ex, kaya mas okay na mag-focus sa sarili mong healing at growth.
Dahil ang Tarot reading ay base sa current energy, mahalaga na may connection at intuition ang reader para makuha talaga kung anong mensahe ang angkop sa’yo.
Matutupad ba ng Tarot ang Wish Ko?
May mga nagsasabi na kung hihiling ka bago magpa-reading, mas may chance na matupad ito. Pero sa totoo lang, hindi 'yun ang role ng Tarot.
Ang Tarot ay hindi tool para mag-grant ng wishes. Gamit ito para makita kung nasaan ka ngayon sa buhay mo, at ano ang directions na pwede mong tahakin para makarating sa gusto mong mangyari. Yung katuparan ng wish mo, nakasalalay pa rin sa actions mo.
Paano kung Hindi Ko Gusto ang Result ng Tarot Reading?
May mga tao na inuulit-ulit ang tanong hanggang makuha nila yung sagot na gusto nila. Pero ang totoo, hindi magbabago ang Tarot reading kung wala namang nababago sa energy o sitwasyon mo.
Halimbawa, kung ang tanong ay “Magiging successful ba ang business ko?” tapos ang lumabas na sagot ay parang may mga blockages, maaaring may kailangan ka munang ayusin, like bad spending habits or poor planning. Kahit ilang beses mo itanong, paulit-ulit lang din ang sagot kung hindi mo babaguhin ang approach mo.
Mas okay kung maghintay ng at least 3 months bago muling magpabasa para sa parehong issue. Baka kasi sa timeframe na 'to, may nagawa ka ng hakbang o improvement na pwedeng magbago sa outcome.
Ano ang Tunay na Layunin ng Tarot?
Reminder lang, hindi lang pampalipas oras ang Tarot, at hindi rin ito basta panghuhula lang. Isa itong magandang way para mas malinaw mong makita kung ano talaga ang nangyayari sa buhay mo, lalo na kapag overwhelmed ka na sa emotions.
Kaya naman importante na ang Tarot reader ay hindi lang basta marunong sa pag-i-interpret ng kahulugan ng baraha. Dapat marunong din siyang kumonekta sa energy ng taong nagpapabasa. Kung wala ‘yon, baka maging parang kwentuhan lang ang Tarot reading session ninyo, imbes na maging isang meaningful na gabay sa buhay.
BASAHIN: Mga Dapat I-expect sa Isang Tarot Reading
