Ang Unang Pangitain
Nagsimula akong magkaroon ng premonition noong pitong taong gulang pa lang ako. Kasama ang family ko, nagta-travel kami mula Bicol papunta ng Manila via Bitukang Manok. Para akong nananaginip pero alam ko na gising ako. Nakita ko sa vision ko na may isang truck na babangga sa bus na sinasakyan namin. Sinabi ko sa nanay ko, "Ma, parang mababangga tayo ng truck." Ilang minuto ang nakalipas, the bus we were on collided with a truck, halos mahulog kami sa bangin. Buti na lang, walang nasaktan sa amin. That day, the experience stayed with me and left a lasting impression.
Hindi Nagkataon Lang
Ilang taon pagkatapos ng unang premonition ko, may nangyari ulit na nagpatibay sa paniniwala ko na hindi nagkataon lang ang nangyari noon. Papunta kami ng sister ko mula Baclaran papunta sa Cavite. Habang naghihintay na makasakay ng jeepney, bigla akong nagkaroon ng panibagong premonition—parang nakita ko ang sarili ko na nakaupo sa tabi ng driver, may dugo na tumutulo mula sa kanan kong sentido. Sa kabila ng babala, hindi ko ito pinansin. Umupo ako sa tabi ng driver habang ang kapatid ko naman ay nasa likod kasama ang ibang pasahero.
Malapit na kami sa aming destinasyon nang biglang umiwas ang jeepney sa isang mini bus na nag-overtake, kaya nabangga ito sa isang electric pole. Tumama ang ulo ko sa windshield—eksaktong katulad ng nakita ko sa vision ko. Doon ko natutunan na dapat talagang pakinggan ang intuition dahil pinoprotektahan ako nito.
Panaginip at Pulang Kalangitan
Nagsimula nang mag-manifest ang permonitions ko sa panaginip. Napanaginipan ko ang tatay ko noon na nakatayo sa isang hukay sa likuran ng isang krus habang ako ay nasa paanan nito. Sobrang dilim ng paligid at umuulan pa. Kinuwento ko ito sa nanay ko kaya dali-dali siyang nagsimba noon to ask for protection. Hanggang isang araw, nagkaroon ng isang bad omen—pumula ang langit—at ang sabi niya, "Parang may mamamatay sa pamilya." Isang linggo ang nakalipas at biglang binawian ng buhay ang tatay ko. This made me realize na pinakita sa akin ito hindi para pigilan itong mangyari kung hindi i-ready ako sa responsibilidad.
May instance pa nga na after a year, nakita ko ang tatay ko habang kumakain ako sa isang karinderya sa Imus. Sobrang vivid sa memory ko yung nakatayo siya sa other side ng road habang nakatingin sa akin, suot ang parehong damit nung bawian siya ng buhay. At first, I didn't understand why hanggang sa pinaalala sa akin ni Mama na death anniversary pala niya.
Mga Di-maipaliwanag na Karanasan
May isa ding pagkakataon na galing ako sa work noon at nakatayo sa harap ng bahay namin. May nakita akong ball of white light na halos kasing laki ng jolen na lumulutang sa ibabaw ng dahon ng puno ng saging. Inisip ko na baka alitaptap lang pero laking gulat ko nang tumagos ito sa dahon. Feeling ko elemental yung nakita ko noon. May nagpakita rin sa akin na silver snake habang nanonood ako ng TV noon. Akala ko ahas talaga pero bigla siyang naglahong parang bula sa mismong harapan ko.
Biyaya Naipasa Mula sa Aking Ina
Nandun ang takot pero hindi ko nakita ito bilang isang curse kundi isang blessing. Ito ang naging daan ko to receive wisdom na naging guide ko para malampasan ang maraming hamon sa buhay. Isa pa sa nagtulak sa akin na yakapin ang gift ay ang isakripisyo ang sarili para hindi na maistorbo ang nanay ko. Ang nanay ko kasi ang madalas nakakaranas ng ganitong mga bagay noon. Naging tahimik ang buhay niya noong tinanggap ko nang buo ang gift na ito. Kaya naman nagkaroon ako ng theory na naipapasa talaga ang ganitong abilities mula sa kadugo kapag pinili nitong i-let go ang mga ito. Kailangan lang na may isang kadugo rin na willing tanggapin ito.
